Aмериканските таблоиди пренесуваат дека починатата пејачка имала врска и со недостаток на сексуална слобода...

Витни Хјустон со години се "влечела" низ жолтиот печат како една од најпознатите личности кои ја кријат својата вистинска сексуална ориентација. Имало шпекулации дека е во врска со својата асистентка Робин Крофорд, а активист на геј правата Питер Тачел тврди дека и бракот со Боби Браун бил само параван.

"Витни била најсреќна во 80-тите години, кога била во врска со Робин. Индустријата ја натерала во јавноста да се претставува како 'стрејт', но тоа ја уништило одвнатре. Морала да се омажи за Браун, а сите знаеме дека таа врска влијаела на неа", рекол Тачел.

Дури и Браун во една прилика изјавил дека Витни сака жени, а неговата сестра Тина за таблоидите изјавила дека Витни се гледала со девојка кога одела да ја зема својата ќерка од училиште.

Витни ќе биде погребана на 18-ти февруари во Њу Џерси, а погребот ќе биде пренесуван во живо преку интернет, пишува американскиот печат.