Холивудската актерка даде интервју за „машкото списание“ во кое стави точка на приказната за нејзината наводна бременост. Една од многуте.

Џенифер Анистон позирала за GQ со колегата актер Пол Рад со кој игра во филмот Wanderlust, а во интервју за списанието откри дека таблоидите „пишуваат глупости“ и дека не е бремена.

„Не чекам тројка, не носам близнаци, а нема ни едно бебе за кое пишуваат таблоидите“, рече Анистон.

„Луѓето од некоја причина сакаат јас да родам, а јас отсекогаш сум мислела дека е во ред и ако тоа се случи и ако не се случи. Мирна сум и среќна сум со работите такви какви што се. Не сум во ‘фазон’ - ‘морам да имам дете’!“, рече актерката и додаде дека „става точка на приказната за децата и бременоста“.

„Не сум бремена, немам избегано и се немам омажено во тајност...“

Дека не е бремена, покажуваат и фотографиите од едиторијалот на кој актерката позира облечена во мини сукна и градник.