Неспоредливата дива на светската музичка сцена ќе биде погребана на 18-ти февруари во црквата во која пеела како дете во родниот Њу Џерси...

Иако американските медиуми пишувале дека погребот на Витни Хјустон ќе потсетува на оној на кралот на попот, тоа нема да се случи. На погребот ќе присуствуваат само најблиските роднини и пријатели.

На погребот ќе присуствува и нејзиниот поранешен сопруг Боби Браун кој се грижи за нивната ќерка Боби Кристина, која само неколку часа по смртта на својата мајка доживеала нервен слом.

Продажбата на албумите на Витни нагло скокнала, а само неколку часа по нејзината смрт, цените речиси двојно се зголемиле. Сепак тоа не ги спречило фановите, па компилации од најголемите хитови се меѓу најпродаваните дискови ширум светот. На сајтот eBay колекционерите можат да купат карти од првиот концерт на поп ѕвездата, маици со нејзиниот лик купени  во 80-тите, автограми...