Боби Кристина само неколку часа по смртта на својата мајка е примена во една болница во Лос Анџелес...

Полицијата на Лос Анџелес за "ABC" потврдила дека Боби Кристина (18) неколку часа по смртта на Витни Хјустон со амбулантно возило била префрлена во болница.

Извор близок на семејството рекол дека Боби Кристина е примена во болница поради стрес и анксиозност со која има проблем веќе неколку години.

Единствената ќерка на Витни и Боби Браун, според порталот "TMZ", откако дознала за смртта на мајкаси, доживеала нервен слом.

"Таа врескала кон полицијата и сакала да ги тепа бидејќи тие не сакале да ја пуштат да ја види својата мајка.", пренесува порталот.

Полицијата соопштила дека поради истрагата на никому не му е дозволено да влезе во хотелската соба во која пејачката е пронајдена мртва.

Извори блиски до истрагата велат дека Витни била пронајдена од својата фризерка, која била во апартманот заедно со два телохранители и стилист. Сите чекале да излезе од бањата за да ја спремат за настапот кај Клајв Девис по повод доделувањето на Греми наградите.

Во собата наводно биле пронајдени различни лекови за смирување, шишиња алкохол, но немало никаква дрога.