Актерот Николас Кејџ призна дека едно време толку се соживеал со ликот, што шетал по улиците со маска, мислејќи дека е Ghost Rider.

Овој оскаровец знае што значи да се соживееш со улогата.. Николас Кејџ откри во едно интервју дека подготвувајќи се за улогата за „огнениот дух на мотор“, помислил дека тој НАВИСТИНА Е Џони Блејз.

„Работите толку излегоа од контрола што мислам дека имав среќа што не ме затворија во затвор“, рече Кејџ. „Се појавив на Божиќна забава со маска мислејќи дека навистина сум јунак од стриповите“.

Актерот кој во минатото својот начин на глума го опишуваше како „ново-шамански“, признава дека на сетот и надвор од него, носел вуду маска за да биде во допир со натприродното.

„Глумам натприроден лик, па зошто тогаш да не се обидам да го досегнам натприродното и да видам што може да се случи?“

Новиот Ghost Rider: Spirit of Vengeance 3D во кино-салите пристигнува на 17 февруари.