Американската пејачка се појави како заводлива сирена во нова реклама за фен за коса.
Пејачката Кети Пери сними уште една реклама за GHD, бренд кој се бави со производство на различни апарати за коса. Овој пат се работи за нивниот нов фен за коса поради кој убавата Кети Пери ја претворија во заводлива сирена.
Пејачката која неодамна се исфарба во сино, на оваа реклама има розева коса и долги екстензии, а облечена е во прекрасен светликав костим на сирена во кој, како што таа вели, се чувствувала одлично.
„Супер ми е овој костим затоа што ги обожавам филмовите на Дизни. Ариел е вистинска инспирација“, изјави Кети.
Интересно е тоа што рекламата ја сними Дејвид ла Чапел, фотографот кој ја тужеше најдобрата пријателка на пејачката, Ријана, поради плагијат во видео спотот на S&M.
