„Преслаба сум; ни мене не ми се допаѓа што сум толку слаба“.

Анџелина Џоли вели дека би сакала да се здебели, но дека едноставно е природно изразно слаба. 36 годишната актерка ги отфрлува обвинувањата дека има пореметување во исхраната и дека боледува од анорексија.

„Луѓето постојано го зборуваат тоа, но јас отсекогаш сум била многу слаба. Преслаба сум, ни мене не ми се допаѓа што сум толку слаба. Кога луѓето ми кажуваат дека сум слаба, тоа во Холивуд е комплимент, но за мене е вознемирувачки. Да можам да пукнам со прстите и до утре да качам седум килограми би била пресреќна. Посебно кога тие килограми би отишле на вистинските места.“

Анџелина вели дека всушност е голем љубител на храна. „Се шегувам дека тајната на мојата убавина е во големите, сочни парчиња месо. Сериозно, многу сакам црвено месо. Долго време бев вегетаријанка и тоа за малку ме уби, не добивав доволно хранливи материи“, вели Анџелина.

Актерката е висока 172 сантиметри и нејзината тежина, тврдат професионалците, би требала да изнесува најмалку 57 килограми. Драстично слабата Анџелина тежи само 44 килограми.