Актерите Кетрин Зита Џонс (43) и Мајкл Даглас (68), наводно, чекаат трето дете.

Парот бил на една роденденска забава пред неколку дена на која Кетрин се појавила во тесен фустан во кој и се гледало стомачето, што покрена гласини за нејзината бременост.

„Мајкл одлучи да и ја исполни желбата на Кетрин и да имаат уште едно дете. Ова бебе е чудо, а тие двајца чувстуваат како животот да им дал уште една шанса. Мајкл е во поодминати години, но сака уште едно дете, а Кетрин оздраве и многу е среќна“, откри извор близок на парот.

Портпаролите на славниот пар ништо не коментираа што додатно поттикна гласини дека парот кон крајот на летот ќе добие дете.

Мајкл Даглас минатата година се излечи од рак на грлото, а Кетрин по неговото опоравување неколку недели помина во болница за психички болести поради биполарно пореметување, но успешно се опорави.

Актерот е точно 25 години постар од својата сопруга - двајцата се родени на 25 септември. Се венчаа 2000 година, а Дилан (12) и Керис (9) можеби ќе добијат уште едно братче или сестричка.