Актерот од „Социјална мрежа“ уапсен е во Тексас.

Арми Хамер (25) возел со автомобил во градот Сијера Бланка, кога го застанала патрола. Полициското куче надушкало нешто сомнително во автомобилот и за време на претресот пронајдени се џоинтови, како и еден пакет „трева“ и кекс „зачинет“ со марихуана.

Хамер ноќта ја поминал во затвор, а потоа е пуштен со кауција од 1.000 долари. Не е познато дали против него ќе биде кренето обвинение поради поседување на дрога.

Актерот во филмот „Социјална мрежа“ толкуваше двојна улога, близнаците Камерон и Тајлер Винклвос, а моментално го промовира филмот „Џеј Едгар“ со Леонардо ди Каприо во главната улога.