Актерката ќе игра во новиот филм на Рајан Марфи, пишува холивудскиот печат...

Џулија Робертс ќе игра во адаптацијата на претставата од Бродвеј "Нормално срце", во која се олицетворува проблемот со сидата и ХИВ вирусот во Њујорк во осумдесеттите години на минатиот век.

Робертс ќе игра лекарка специјализирана за таа болест, која е врзана за инвалидска количка. Алек Болдвин ќе игра адвокат кој има проблем да прифати дека брат му е хомосексуалец.

Снимањето на филмот започнува оваа пролет, а премиерата се очекува на почетокот од следната година. "Нормало срце" е напишана од Лари Крејмер, познат драматург, писател и активист за правата на LGBT луѓето.