Контроверзиите околу смртта на Кралот на поп музиката продолжуваат, а последна во низата шокантни изјави е онаа на постарата сестра на Michael Jackson, 53-годишната La Toyа, која не само што тврди дека е сигурна дека се работи за убиство, туку знае и кој го сторил тоа. Во шокантно интервју La Toyа тврди дека после смртта на нејзиниот брат, од неговата куќа исчезнале накит и кеш во вредност од 2 милиони долари кои биле причина за убиство на Michael.

„Мислиме дека повеќе личности се вмешани во убиството на брат ми. Тоа било завера за да му ги земат парите, а јас знам кои се тие што го сторија тоа и нема да седам мирна додека тие луѓе не платат“- изјавила La Toya и се заколнала на освета. Подоцна изјавила дека тие луѓе го навлекле Michael да користи дрога, ја искористиле неговата ранливост и долгови и со тоа го натерале да се врати на сцената, а на крај го убиле затоа што по вреден бил мртов отколку жив. Оваа изјава на La Toya излегла неколку дена по проценката на полицијата дека е можно да се работи за убиство.