Актерот морал да се извини поради невкусните коментари кои ги дал на сметка за терористичките напади на САД во септември 2001 година...

Марк Волберг (40) рекол во едно интервју дека терористите не би успеале да го киднапираат авионот доколу тој бил во него. Актерот инаку требало да биде во авионот што удрил во Светскиот трговски центар, но ги променил своите планови за патување.

"Да бев во тој авион со своите деца, немаше да успеат. Би ги искршил сите. Ќе имаше крв низ цела кабина, а потоа би им рекол на сите дека безбедно ќе слетаме", рекол актерот.

Семејствата на жртвите на терористичките напади од 11 септември ги осудиле таквите изјави, па Волберг морал да се извини.

"Длабоко се извинувам ако ги навредив семејствата на загинатите во нападите. Шпекулирањето на таквата ситуација, како и омаложувањето на луѓето кои биле во авионот е навистина неодговорно", рекол тој.