Актерот Роберт Патинсон ја доби ласкавата титула „Личност на годината“ која традиционално ја доделува телевизискиот канал E!.

Патинсон го освоил најголемиот дел од гласовите на публиката веќе втора година по ред. „Вампирот“ е прогласен за личност на годинатата благодарение на улогата во „Самрак“, актуелноста во медиумите, врската со колешката Кристен Стјуарт, но и армијата фанови која верно гласаше за него.

„Најубавиот вампир на светот“ оваа титула ја добива веќе втора година по ред. Гласањето траеше пет недели, а Патинсон, од понудените 64 личности, е избран за личност која ја обележи 2011 година.

Во последниот круг на изборот влегле и Кејт Миделтон, Чарли Шин, Бритни Спирс и Џастин Бибер.

Патинсон како награда добил шанса да одлучи на која хуманитарна организација каналот E! ќе добира 25 илјади евра.