По објавената веридба со дечкото и бившиот менаџер Џејсон Травик, пејачката се фрли на планирање на самата церемонија.

Нејзината визија за идеална венчавка далеку е од холивудскиот гламур кој обично се гледа на свадбите на славните.

„Таа сака традиционално јужно вечавање со вкусна храна, опкружена со своето семејство, синовите и пријателите од детството“, наведува InTouch Weekly.

Да се потсетиме, Џејсон ја запроси Бритни на својот 40 роденден по две години врска. Ова за пејачката ќе биде трет брак.

Прво се омажи за Џејсон Александар, но по само 55 часа се разведе. Во бракот со Кевин Федерлајн ги доби синовите Шон Престон и Џејден Џејмс.

Џејсон е во врска со Бритни Спирс од 2009 година, и ја објави среќната вест во емисијата Access Hollywood изјавувајќи дека се вериле. Додаде дека е „на седмо небо, како и таа“.

Пејачката пак соопшти преку нејзиниот Твитер профил на кој има 11,8 милиони следбеници.