Ријана и нејзиниот поранешен дечко Крис Браун, три години по прекинувањето, почнале да разменуваат љубовни пораки на Твитер...

Медиумите веќе некое време шпекулираат дека пејачката размислува да ја обнови врската со поранешното момче поради кој се разделила бидејќи физички ја малтретирал, а пораките на Твитер го загреале и сомнежот.

Пејачот вчера на својот Твитер профил напишал: "Те сакам повеќе отколку што можеш да замислиш", а само неколку минути подоцна од профилот на Ријана пристигнал одговор: "На иста страна сме, секогаш ќе те сакам".

Иако парот поради малтретирањето на Крис завршил на суд пред три години, изгледа дека емоциите, сепак, не исчезнале.

Пејачката моментално се наоѓа на родниот Барбадос каде ќе ги помине новогодишните празници.