Актерот пред три дена е виден како во раните утрински часови се враќа од едно ноќно излегување во Берлин со три девојки...

Ѕвездата од серијата "Два и пол мажи" бил фотографиран во вторникот со три девојки од кои едната неодоливо потсетува на неговата, сега веќе, поранешна сопруга Деми Мур, пишува "US Weekly".

Качер со двојничката на Деми бил претходно виден во ресторан во кој седеле покрај прозорецот, пиеле црвено вино, се смееле и флертувале, раскажал еден очевидец за списанието.

Парот излегувањето го продолжиле во еден од берлинските клубови, а таму им се придружиле уште две девојки, со кои покасно е виден како го напушта клубот и оди во правец на хотелот.

Ештон и Деми се развеле кога актерката пред неполн месец поднела официјално барање за развод, поради неговото неверство со Сара Лиал.

Наспроти Ештон кој лудо се забавува, Деми се повлекла од јавниот живот, а блиските пријатели на актерката тврдат дека таа многу тешко го поднесува разводот и медиумскиот притисок кој се создал околу неа.