Комеморацијата по повод смртта на големата поп-легенда Michael Jackson се одвиваше беспрекорно во Staples Centre во Лос Анџелес, но откако погребната поворка се упати кон гробиштата Forest Lawn, златниот ковчег кој беше пренесен таму, каде што телото на Michael Jackson требаше да биде кремирано, бил празен. Многумина веруваат дека телото на Michael е преместено на тајна локација во договор со најблиските членови на семејството пред вчерашната комеморација, така што постои оправдан сомнеж за тоа дека златниот ковчег во кој требаше да се наоѓа телото, всушност цело време бил празен. Според последните информации кои се дури синоќа откриени, а ги пренесува магазинот The Sun, ковчегот не ни требало да биде транспортиран на гробиштата Forest Lawn, затоа што на копијата на сертификатот на ковчегот пишувало дека првата замислена локација е само привремена. Некои извори наведуваат дека постои голема можност за тоа дека неговото семејство сеуште не одлучило што да направи со телото на Michael Jackson. Се двоумат меѓу идејата, неговата пепел по кремирањето да ја растурат по имотот Neverland, што всушност и била негова последна желба, или пак да му се направи мавзолеј и од огромниот имот да направат сопствена Мека за сите негови фанови кои би дошле да му оддадат почит.