Majката на актерката која почина пред 2 години сега покренува тужба против градителите на нејзината зграда...

Британи Марфи (32) почина под мистериозни околности на 20 декември 2009 година, а како официјална причина за смртта се наведени труењето со лекови, тешката пневмонија и недостаток на железо во организмот.

После неколку месеци почина и нејзиниот сопруг Сајмон Монџак, исто така, под мистериозни околности.

Мајката на актерката Шерон, сега ја тужи компанијата "Stajner&Libo", која пред 13 години ја изградила зградата во Холивуд Хилс во која Британи и Сајмон починале, и наведува дека нив ги отруло токсична мувла.

Шерон бара компанијата да ја признае вината за нивната смрт, бидејќи станарите не биле заштитени од токсична мувла, а најверојатно и ќе бара значителна отштета.