Сопругата на играчот на Лејкерс поднела барање за развод после 10 години од бракот...

Коби Брајант (33) се оженил со Ванеса кога имал 22 години, а таа само 18, парот има две ќерки, Наталија и Џана.

"Се надеваме дека јавноста ќе го зема во предвид доброто на нашите деца и претстојната празнична сезона, и ќе ни даде приватност во овој тежок момент", заедно соопштиле поранешните сопружници.

Како причина за разводот, Ванеса ја навела непремостливата разлика.

Парот веќе поминал низ сериозна криза во бракот во 2003 година, кога Брајант беше обвинет за силување на една слугинка во Колорадо. Обвиненијата подоцна биле отфрлени, бидејќи девојката одбила да сведочи против него, а кошаркарот призна дека имал сексуално односи со неа, но тврдеше дека не станувало збор за насилство.