Најдобриот тенисер во светот, Новак Ѓоковиќ, ќе се обиде и да глуми. По прв пат тенисер ќе се појави на филмското платно и тоа во второто продолжение на филмот "The Expendables"...

Новак Ѓоковиќ ja доби споредната улога во второто продолжение во успешниот хит "The Expendables" кој ќе го режира Силвестер Сталоне. Филмот ќе биде снимен во Бугарија, а Ѓоковиќ веќе ги снимил своите прво сцени.

"Ѓоковиќ во вторникот го започна првото снимање. Има мала, но не безначајна улога. Во "The Expendables 2" се глуми самиот себе", рекол еден извор за француските медиуми.

Талентираниот тенисер во филмот ќе глуми заедно со Арнолд Шварценегер, Брус Вилис, Жан Клод Ван Дам и многу други.

Тоа ќе биде интересно да се види дали Ѓоковиќ ќе се справи и на филмското платно еднакво добро како и на тенисерскиот терен.