Британскиот актер Колин Фирт одлучи во хуманитарни цели да се продаде себе, на еден ден.

Актерот кој доби Оскар за улогата во филмот „Говорот на кралот“ во соработка со организацијата „Оксфам Америка“ на 6 декември ќе организира аукција за собирање пари за борба против сиромаштијата.

Кој ќе понуди најмногу, ќе го „добие“ Фирт (51) на еден ден, а има право и да понесе пријател да го запознае актерот на премиерата на филмот Tinker, Tailor, Soldier, Spy во Лос Анџелес. Покрај дружењето со актерот, ќе добие и покани за ексклузивна забава во чест на премиерата.

Актерот вели дека не би сакал „да го купи“ некој од луѓето на кои им се воодушевува. „Се губам кога ќе се најдам во друштво на некој кого многу го ценам. Голем обожавател сум на личности од светот на музиката и книжевноста. Ако сум нечиј голем фан, сакам да се држам на безбедна дистанца затоа што не знам што ќе направам“.