Убавицата од Барбадос повторно е на мета на остри критики поради својот контроверзен спот за песната "We Found Love"...

Проблемите со најновиот спот тргнале од самиот почеток. Прво комплетната екипа, на чело со пејачката, биле протерани од сопственикот на фармата на која бил снимен дел од спотот - а како причина ја навел голотијата, неморалот и блудството. Спотот полн со секс, насилство и дрога веќе го забраниле во Франција.

Всушност, француските власти го забранија емитувањето на новиот спот на Ријана и на малите екрани не е дозволен да се емитува пред 10 часот навечер. Спотот покажува деструктивна љубов помеѓу пејачката и младиот боксер Дади Ошонеси. Парот во спотот краде, пуши, зема таблети и жестоко се расправа.

Франција донесла одлука дека таквата содржина е премногу за тамошната младина и го забраниле емитувањето на истиот, освен во ноќната програма.

Ова не е прво видео кое доживеа цензура, и спотот за песната "S & M" бил забранет во неколку земји поради сексуално сугестивната содржина, а поради спотот за песната "Man Down" се пожалиле многу организации за човекови права и борбата против насилството.

Еве погледнете за каков спот станува збор: