Пејачката најави дека година дена нема да се бави со музика за да се обиде да забремени.
Кети Пери (27) моментално го завршува последниот дел од турнејата American Dreams и последниот настап ќе биде на 23 ноември во Лос Анџелес. Таа на своите менаџери им најавила дека по тоа ќе направи пауза од година дена.
„Кети сака да забремени, мисли дека ова е вистинскиот момент“, рече извор близок на пејачката.
Пери минатиот октомври по кратка врска се омажи за британскиот комичар Расел Бренд, со кој планира наскоро да направи и бебе.
„Се разбира дека сакам деца. Ако првото породување не биде страшно болно, планирам да ги ‘вадам од мене’“, рече шеговито пејачката во емисијата на Елен Деџенерис.
