Времето до мечот со Томаш Бердих најдобриот српски тенисер го скратува со сагата „Самрак“...

Во Лондон е одржана претпоследната премиера на последниот филм од серијалот „Самрак“, а парот кој ги засени сите познати личности на премиерата не беа добро познатите „Едвард и Бела“, туку Новак Џокович и Јелена.

Ноле ден пред премиерата на филмот Breaking Dawn ги извести фановите на Твитер дека ја „води Јелена на премиерата на филмот“, како и дека во Лондон „сите се луди по вампирите“.

Ноле премиерата на филмот и времето на црвениот тепих го искористи да се дружи со фановите, по што на својот Твитер остави порака „сите да го гледаат филмот“.

„Задолжително гледајте го филмот, одличен е. Гледајте го со саканата личност затоа што е многу романтичен“, напиша Ноле на својот Твитер, а потоа додаде дека оди на спиење бидејќи му претстои тренинг со Рафаел.

Џокович по гледањето приказната за љубовта на вампир и „смртничка“, и тренингот со Рафаел Надал, во понеделник го очекува меч против чехот Томаш Бердих.