Ќе се преправаме дека сме изненадени...

Идолот на тинејџерките Џастин Бибер (17) неодамна беше мета на тужбата на една обожавателка која тврдеше дека забременила по секс за една ноќ со него во бекстејџот.

Мараја Јитер (20) изјавила дека нејзиниот четиримесечен син Тристан е дете на Бибер, и пред судот барала пејачот да се подложи на ДНК анализа која би го докажала тоа.

Малолетниот Бибер соопштил дека никогаш во животот ја нема запознаено, но неговите адвокати изјавиле дека се согласил на ДНК тестот. Штом го слушнала тоа, Јитер веднаш ја повлекла тужбата.

Пејачот порано најави дека ќе ја тужи поради лажно обвинение и навредување на угледот, но не се знае дали ќе се откаже од тужбата сега кога Мараја се откажа од својата.