Maраја Кери успеала да симне 31 килограми по раѓањето на близнаците Марокан и Манро...

Пејачката која роди близнаци пред шест месеци, успеала да извади значителен дел од тежината, но признава дека била загрижена за тоа дали ќе може да се врати во форма по бременоста.

"Во почетокот кога го родив бебето, имав толку многу отекувања. Повеќето бремени жени го имаат сето тоа само по нозете. Еден ден забележав дека ногата ми беше отечена и дека никогаш веќе нема да сум истата жена", сподели Мараја, која се подложила на исхраната на Џени Крег.

"Вистинскиот благослов е тоа што имам близнаци, но беше навистина тешко. Имаше време во кое се чувствував затвореник во сопственото тело, бидејќи неможев да се движам. Освен тоа, требаше да чекам 6 недели пред да се ставам на програмата за слабеење, бидејќи јадев доста повеќе од вообичаеното", дополнила таа.

"Првата недела по раѓањето изгубив 18 килограми само вода. Кога почнав со програмата на Џени, симнав најмалку 13 килограми", рекла таа. 42 годишната Мараја имала проблеми со бременоста и требало да поминува многу време на кревет.

"Имав многу тешка бременост. Требаше да одмарам во креветот, но беше толку лошо, што дури и во креветот ме болеше се. Научив многу за бременоста, гледајќи како моето тело се менува", додаде пејачката во емисијата "Роуз шоу".