Реалити ѕвездата ставила точка на бракот долг "цели" 72 дена...

Ким Кардашијан (31) изјави дека поднела барање за развод од кошаркарската ѕвезда Крис Хамфриз, пренесува "People".

"Ова не беше лесна одлука. Мислев дека ќе трае засекогаш, но некогаш не оди се според планот. Остануваме пријатели и еден на друг си посакуваме се најдобро", соопштила Ким.

Таа на судот во Лос Анџелес поднела барање за развод и како причина ја навела "непремостливата разлика", и потврдила дека со спортистот потпишала предбрачен договор во кој не му е дозволено да ја тужи за алиментација.

"Ја сакам својата жена и шокиран сум што поднела барање за развод", накратко рекол тој.

Венчањето на парот чинело 20 милиони долари и комплетно било платено од спонзори, а Ким и Крис заработиле додатни 18 милиони од продажба на права за сликање и снимање на медиумите.

Ова е втор брак на Ким - од 2000 до 2004 година била во брак со продуцентот Дејмон Томас.