Ги има девет, пеат веќе неколку години, а сега „погодија“ и светски хит со повеќе од седум милиони прегледи на YouTube...

Girls' Generation е јужнокорејска група составена од девет девојки, кои по неколку успешни албуми за тамошниот пазар, одлучиле да си ја пробаат среќата и на светската музичка сцена.

Видеото за песната The Boys, кој го направи светски познатиот продуцент Тед Рајли, за само три дена го погледнале повеќе од седум милиони луѓе, иако девојките одвај изговараат по некој збор на англиски.

Рајли, познат по соработката со Мајкл Џексон, Боби Браун и Лејди Гага, е еден од продуцентите на албумот The Boys, па може да се каже дека на младите дами од Јужна Кореа успехот им е загарантиран.