Поранешниот дечко на изненадно починатата соул дива Ејми Вајнхаус, Рег Тревис, го одбил договорот вреден милион фунти за мемоарите за деновите кои ги поминал со славната пејачка...

Рег понудата ја отфрлил со образложение дека тој дел од приватноста сака да го задржи само за себе, но дека сепак ќе снима филм.

"Рег ја одби понудата бидејќи е премногу болна за него. Спомените со Ејми сака да ги зачува за себе, но за неколку години, кога сеќавањата нема да бидат толку болни, може да се направи филм",изјавил близок пријател на Тревис.

Додека Тревис ја одбил понудата, таткото на пејачката за следното лето најавил своја книга "Ејми, мојата ќерка" во која ќе ја каже неверојатната приказна за животот на својата ќерка, а парите од продажбата ќе одат во фондацијата "Ејми Вајнхаус", која ќе им помага на младите во невоља и на луѓето кои се борат против зависноста.

Ејми беше пронајдена мртва во својот стан во јули. Резултатите од токсиколошкита наоди полицијата сеуште не ги соопштила, но е познато дека не умрела од дрога. Нејзиното семејство претпоставува дека причина за смртта е детоксикација од алкохол.