Пет од десет најплатени ТВ ѕвезди во Америка повеќе не работат на телевизија, а заработуваат милиони...

На првото место на листата на Форбс е проблематичниот Чарли Шин, кој беше избркан во март од серијата "Два и пол мажи", во која го замени Ештон Кечер. Тој уште од мај 2010 година до мај 2011 година заработил 40 милиони долари.

На второ место е Реј Романо со 20 милиони долари, и покрај фактот дека неговата серија "Мажи на одредена возраст" беше откажана после втората сезона. Романо продолжува да заработува од репризите на серијата "Сите го сакаат Рејмонд".

На трето место на листата е Стив Карел кој порано глумел во серијата "Канцеларија (15 милиони)", а четврти е Марк Хармон ("NCIS") со 13 милиони долари.

Џон Крајер од "Два и пол мажи" и Лоренс Фишбурн "Место на злосторот" заработиле по 11 милиони, иако Фишбурн нема да игра понатаму во серијата. Патрик Демпси од "Вовед во анатамојата" побогат е оваа година за 10 милиони, додека Сајмон Бејкер од "Менталисти", Хју Лори од "Доктор Хаус" и Кристофер Мелони кој ја напуштил серијата "Закон и ред: Специјални жртви" заработиле по 9 милиони.

Кечер за една сезона ќе добие околу 16 милиони долари, што е сепак 500 илјади долари помалку од тоа што го добивал Чарли Шин.