Иако нејзиното прекрасно лице најчесто го среќаваме на црвениот тепих или на насловните страници на најпознатите списанија на кои е максимално нашминкана, дотерана и разубавена со фотошоп, Анџелина Џоли со сите сили се обидува да го остави својот холивудски начин на живот на страна и да го покаже своето вистинско лице...

Големата хуманитарка и мајката на шест деца навистина е атипична ѕвезда која не дозволува славата и богатството да превладеат со нејзиниот живот, а нејзината работа и големо срце се познати во цел свет.

Анџелина Џоли изминатите денови ги помина во Либија за ги поддржи хуманитарните организации кои доставуваат помош за жителите на Мисрат.

Во скромно и многу едноставно издание без шминка и фризура, природната Енџи го обиколи градот и разговараше со луѓето не обраќајќи им внимание на собраните фотографи кои го следеа секој нејзин чекор.

Токму тој изглед на холивудската актерка од А-листат е оној кој најмногу го цениме, хуманитарка и мајка на шест деца која својата слава и богатство го користи за да им помогне на загрозените земји во светот. А во тие моменти воопшто не е важно дали Анџелина има подочници и дали пудрата во целост ги има прекриено ситните недостатоци на нејзиното лице.