‘Кери Бредшо’ изјави дека поради семејна авантура и патување околу светот, би ја оставила дури и кариерата...

Актерката Сара Џесика Паркер, која се обидува да ја усмери својата кариера кон нови проекти после „Сексот и градот“, а во исто време да биде и добра сопруга, мајка и домаќинка, изјави дека би сакала да има „семејна авантура“.

Имено, Сара вели дека би сакала да го прoпатува светот со своето семејство. „Често фантазирам да се спакуваме и да патуваме. Да одиме на таква авантура заедно, сигурно би го оставила сето ова зад себе. Но, никогаш не би заминала на пат без нив“, изјави мајката на 8 годишниот Џејмс и 2 годишните близнаци Марион и Табита кои ги има со сопругот Метју Бродерик.

Актерката која го отелотвори имиџот на модерна девојка, а денеска има веќе 46 години, вели дека не се носи лесно со стареењето. Тоа додатно и го отежнува напорот кој мора да го вложува во малите деца. „Кога си одговорен кон другите и знаеш дека тие зависат од тебе, вложувањата се автоматски многу поголеми. Не сакам да бидам драматична, но тоа исто така е прекрасно и исполнето со смисла“, заклучи актерката.