Пејачката случајно откри дека ќе ја испее темата за новиот филм за Џејмс Бонд...

Адел во емисијата на Џонатан Рос на канал ITV1 дозволи „јазикот да и биде побрз од паметот“. Водителот ја праша кога ќе се врати во студиото да снима нешто ново.

„Па, во ноември морам да снимам нешто, станува збор за една филмска тема. Ау, не требаше ова да го кажам!“, се насмеа пејачката.

Рос потоа ја отпеа препознатливата музика од филмовите за Џејмс Бонд, па Адел мораше да признае дека погоди.

„Снимам само една песна, по одреден концепт... вие заклучете понатаму“, рече пејачката.

Новиот филм за агентот 007 ќе биде 23 продолжение на серијалот.