Таа е русокоса, богата и позната. Се обидува да глуми и пее, но не и оди баш од рака, но затоа е неприкосновена на листата на славни кои американците не ги сакаат...

Богатата наследничка успеа од тронот да го симне дури и познатиот мајстор за скандали, долгопласираниот Чарли Шин, а ни Бритни Спирс не и е до колена на оваа малку популарна листа, која ја направи агенцијата Reuters.

Својот негативен глас повеќе од 60% од испитаниците го дале на Парис Хилтон, додека долгопласирнаиот Чарли Шин добил 52% од гласовите.

Третата позиција ја делат две ѕвезди од американската музичка сцена - поп пејачката Бритни Спирс и раперот Кание Вест за кои гласале 45% од испитаниците. Следат двајца поцнати бракорасипници: поранешниот гувернер на Калифорнија, Арнолд Шварценегер (44%) и познатиот голфер, Тајгер Вудс (42%).

Реалити ѕвездата Ким Кардашијан го зазеде седмото место со 38% од гласовите, пред Мел Гибсон (33%) и Доналд Трамп (31%), додека кошаркарот Леброн Џејмс (29%) е на последното, десетто место.

Листата ни во Европа не би била многу поинаква, само што на нејзе веројатно би се нашле и политичари какви што се Никола Саркози, Силвио Берлускони и така натаму.