Пејачката која носи фустани од месо, вештачки рогови, јастози на шеширот и други необични „детали“, ќе лансира сопствена колекција...

Стефани Германота (25) попозната како Лејди Гага најави дека заедно со нејзината помлада сестра, Натали (19), ќе дизајнира колекција облека.

Многумина би се стресле при помислата пејачката која носи јастози на главата, штикли од 25 сантиметри и фустани од месо да им го диктира стилот, но американските медиуми пишуваат дека нејзината колекција ќе биде многу пристојна.

„Гага дошла на идеја да преработи некои од легендарните парчиња облека, како што се белиот фустан кој Мерлин Монро го носеше во филмот ‘Седум години верност’ или малиот црн фустан на Одри Хепберн. Се разбира, ќе ги промени на својствен начин за неа, но и понатаму ќе бидат сосема добри за носење во сите прилики“, рече извор близок на пејачката.