Мајка и на Ребека Блек ја отпишала од училиште откако другите деца ја исмевале поради песната...

Пејачката Ребека Блек, која во јавноста стана позната откако ја сними песната Friday, оваа есен нема во петок после наставата да се дружи со своите училишни пријатели. Имено, откако децата во училиштето толку многу ја исмевале, мајка и одлучила да ја отпише и да и држи настава дома.

„Кога ќе поминев покрај нив ќе почнеа исмевачки да ја пеат мојата песна или да ме испрашуваат дали знам кој ден е во неделата“, го раскажа 14 годишната девојка своето „трауматично“ искуство со врсниците. Нејзината мајка за медиумите изјави дека таа ќе и помогне околу образованието и да се фокусира на нејзината кариера.

Инаку, вториот сингл на Ребека Блек, My Moment исто така има многу гледаност на YouTube (се разбира, не како Friday), а и продажните на iTunes не се за фрлање. Ребека неодамна се појави и на Teen Choice Awards 2011 каде што воедно доби и Teen Choice награда.