Оскаровката се појавила на премиерата од филмот " The Change up" во друштво со Рајан Рејнолдс, актер со кој медиумите ја поврзуваат откако се развела од Џеси Џејмс...

Медиумите долго време шпекулираат за тоа каков е односнот помеѓу оскаровката и нејзиниот колега Рајан Рејнолдс, по неговото прекинување со актерката Скарлет Јохансон, но на тие шпекулации изгледа им дојде краот, барем што се однесува до медиумите.

Покрај тоа што минатата нова година ја дочекале заедно, Сандра и Рајан многу често се гледаат во јавноста заедно. Иако цело време ја негирале врската, и дека освен пријателство и професионален однос меѓу нив нема ништо, тие повторно се видени заедно, овој пат на црвениот тепих.

На премиерата "The Change-Up" која е одржана пред два дена, Рајан се појавил во придружба на познатата актерка. Држејки се рака под рака, парот им позирал на фоторепортерите, а Сандра изгледала сјајно расположена, и со насмевка од уво до уво.

Ниту Сандра, а ниту Рајан не сакале ниту да потврдат ниту да демантираат дали навистина се во емотивна врска, но американскиот печат дефинитивно ги споиле како пар.