Најубавата жена за 2011 година, според магазинот People, Џенифер Лопез одлучила да ја отвори душата и во интервју за магазинот "Vanity Fair", каде ги открила причините поради кои одлучила да го прекине бракот со Марк Ентони...

Причината поради кој пејачката решила да и стави крај на седумгодишниот брак со Марк Ентони, е тоа што нејзината доверба била нарушена, а желбата некој повторно да ја третира "онака како што заслужува" победила.

"Не дека не се сакав себе си порано, но понекогаш не сме ни свесни колку се 'трошиме' себе си пред да сфатиме дека личноста со која сме не е за нас, или не ни возвраќа со иста мера", изјавила пејачката за септемвриското издание за магазинот "Vanity Fair ".

Пејачката рекла дека и таа и нејзиниот сопруг се обидувале да работат на својот брак извесно време, и се обиделе да ги подобрат односите, но "понекогаш работите и покрај својот труд едноставно не успеваат".

"Сватив дека се сакам себе си доволно за да ја напуштам таа врска", додала таа.

Џенифер исто така рекла и дека покрај брачниот "бродолом" и понатаму останува поголем оптимист кога е љубовта во прашање.