Ковчегот со телото на полскиот претседател Лех Качињски ќе биде изложен во вторникот, овозможувајќи им на полските граѓани да се простат лично со нивниот лидер, кој почина во авионска несреќа, заедно со голем број други претставници на полската влада , рече Јацек Сасин, државен секретар и заменик-шеф на претседателската канцеларија.

Сасин беше цитиран од полската новинска агенција ПАП, велејќи дека вторникот беше избран како ден за да може претседателската администрација да има доволно време за да се подготви за манифестација. Тој исто така, додаде дека членовите на претседателскиот тим и помошници на премиерот Доналд Туск ќе се состанат на разговори за плановите на погребот на Качињски. 

Засега нема одредено датум и место за погребот. Вчера десетици илјади Пољаци излегоа на улиците на Варшава, во знак на почит на Качињски, а неговиот кофчегот го помина патот од воениот аеродром до претседателската палата во срцето на главниот град. 

Претседателскиот авион се урна во саботата изутрина во западниот руски град Смоленск. Немаше преживеани меѓу вкупно 96 лица во авионот. Освен претседателот и неговата сопруга, голем број други политичари на земјата и воени претставници беа помеѓу загинатите при несреќниот инцидент.