Кафето има 800 калории, додека хамбургерот и до 1000. Таквите информации ќе бидат достапни на сите менија, во американските ресторани за брза храна...

Едно од барањата на новиот американски закон за здравствена заштита е задолжителното броење на калории во менито, пренесува Yahoonews. Преку 200.000 синџири за брза храна веќе на своите клиенти ќе неможат да сокријат колку калории имат изедено. Одлуката важи за сите ресторани, кои се содржани во 20 или повеќе локации. Решението го спроведува службата задолжена за храна и лекови (FDA) и на тој начин би се направиле нови национални стандарди за декларирање на менијата.

Претседателот Барак Обама го потпиша новиот закон за здравствена заштита во вторникот. Со оваа одлука, клиентите веднаш добиваат информации за производите кои ги нарачуваат, а не како до сега, кога хранливите информации биле објавени на хартијата од хамбургерот или на интернет страницата на ресторанот.