Поранешниот српски министер на полицијата Радмило Богдановиќ ја обвини фолкѕвездата Цеца Величкович за убиството на нејзиниот сопруг Жељко Ражњатовиќ, по-познат како Аркан. Тој се смета за еден од најголемите воени злосторници на територијата на поранешна Југославија. Аркан беше убиен во Белград на 15 јануари 2000-та година.

Тоа е првото интервју на Богдановиќ откако ја напушти министерската функција на 9 март 1991 година. Според него Цеца Величкович имала информации за подготовката на атентатот против Аркан. "Истражните органи се должни да работат и по ова прашање", рече поранешниот министер пред списание "НИН". "Веднаш по убијството на Аркан си зададов неколку прашања ... зошто Цеца и нејзината сестра одат во бутик, а Жељко Ражњатовиќ останува во фоаето на хотелот пред рецепцијата да ги чека", рече Богдановиќ и одби да даде повеќе детали околу тоа свое тврдење.

Веќе неколку години се води истрага против Цеца Величкович. Тоа започна за време на операцијата "Сабја" во март 2003 година. Акцијата започна веднаш по убиството на српскиот премиер Зоран Џинџич. Тогаш Цеца Величкович остана во притвор два месеци. Тогаш стартува и истрагата за проневера на 22.5 млн.герамнски марки и 480 000 американски долари при продажбата на 15 фудбалери на Обилич во странство. Парите се префрлени на сметката на нејзината сестра Лидија Величкович.