Рускиот претседател Владимир Путин го надмина својот американски колега Барак Обама, на "Форбс" листата на најмоќни политичари во светот...



Ова е прв пат последните три години претседателот на САД да се најде на второто место на листата на списанието "Форбс". Агенцијата Франс Прес потсетила дека Путин во 2013 година доминирал со Русија и повторно е реизбран за претседател во март 2012 година.

„Путин ја зајакна својата контрола над Русија, додека Обама дочека незгоден период, порано отколку што е вообичаено за двегодинишниот претседателски мандат - последниот пример: конфузија поради блокадата на владата“, пишува "Форбс".

АФП потсетува дека Русија му доделила азил на поранешниот агент на американската Национална агенција за безбедност, Едвард Сноуден, кого САД го бара поради објавување на доверливи документи.



„Еден месец подоцна, Путин повторно извлече кец од ракав, спречувајќи го Обама да ја нападне Сирија поради производството на хемиско оружје“, проценува агенцијата.

На трето место на листата на "Форбс" на најмоќни политичари е претседателот на Кина, Си Џинпинг, од кого се очекува да владее цела деценија, со што Кина би можела да го засени САД, како најголема светска економија.

Во четвртото место е поглаварот на Римокатоличката црква, Папата Фрањо, а на пето место е германската канцеларка Ангела Меркел.