Девојче (5) е во критична состојба откако е киднапирано и брутално силувано во Њу Делхи, што е последен инцидент на сексуално насилство во Индија.

Детето прво било мета на напад по што е киднапирано додека си играло.

„Прво случајот го регистриравме како киднапирање, но сега е започната прелиминарна истрага за силување и обид за убиство“, рече полицискиот претставник Раџан Багат, додавајќи дека во тек е потрага по соседот на девојчето, кој е главен осомничен.

Девојчето е примено на одделението за интензивна нега и лекарите кажале дека нејзината состојба е „критична“.