На бугарскиот мафијаш Евелин Банев денеска пред неговата куќа во Софија, тројца вооружени мажи ја киднапирале неговата 12 годишна ќерка.
Како што навела полицијата, киднаперите пукале во автомобилот и го раниле возачот, а потоа го киднапирале девојчето.
Софијскиот суд минатиот месец го осуди Банев на седум и пол години затвор поради водење на организирана криминална група и перење пари.
Тој моментално е во затвор во Италија, каде ќе му биде судено поради наводното криумчарење на кокаин од јужна Америка во Европа во периодот од 2004 до 2007 година.
