Седум луѓе загинале, а 18 се повредени вчера во градот Чанџанг во јужна Кина, кога еден човек активирал експлозив пред куќата на родителите на својата бивша сопруга.

Полицијата соопштила дека напаѓачот, кој и самиот е тешко повреден, на овој начин сакал да и се одмазди на бившата жена по спорот околу старателството над децата.

Поголемиот број жртви се роднини на семејството кое било мета на нападот, кои престојувале во посета во рамки на прославата на Лунарната нова година.

Петмина од вкупно 18 повредени се сместени на интензивна нега.