Првата дама на САД Мишел Обама соопшти, дека Гугл ги отвара вратите на Белата куќа на интернет, со што сите корисници ќе имаат виртуелен пристап до сите јавни сали...

Резиденцијата на американскиот претседател на Пенсилванија Авењу стана дел од проектот Google Art кој овозможува онлајн посетителите да влезат во музеи, галерии и други познати места и да разгледуваат исто како да се таму.

"Белата куќа не е само резиденција на првите семејства или простор за средби на светските лидери, тој е познат исто така како "Домот на народот", место кое треба да биде отворено за сите", соопшти Мишел Обама во видео порака.

"Илјадници луѓе ги посетуваат овие сали и ги разгледуваат делата на уметноста. Тие ги проучуваат портретите на Вашингтон, Линколн и Кенеди. Си ја замуслуваат приказната за она што се случило тука. А сега сето тоа можете да го направите, без да го напуштите својот дом.", додаде првата дама на САД.

Американскиот претседател Барак Обама и неговата сопруга се познати по тоа што неочекувано ги отвараат вратите на Белата куќа за туристи. Во последните три години зградата е посетена од околу 2,5 милиони луѓе.