Интернет пребарувачот Google наскоро ќе претстави домашен „систем за разонода“ кој во почетокот ќе служи за слушање музика, но подоцнежните модели ќе можат да емитуваат видео и „други облици на дигитална содржина“.

Јадрото на тој систем ќе биде уред на база на оперативниот систем Android, а со него ќе се управува со помош на паметен телефон или таблет.

Тој проект е во разработка веќе неколку години, но тестирањето на прототипот започна во јануари и би требало да трае до јули.

Моментално најпознатиот музички проект на компанијата Google е Google Music кој е достапен само на територијата на Соединетите Американски Држави.