Непознат возач на камион од Босна станал херој во Италија по неговата интервенција на автопатот...

Босанецот им го спасил животите на Мароканцитте Абделхамид Хадачуу и неговата ќерка Џихан (8).

Италијанскиот весник "Corriere della sera" пишува дека таткото и ќерката доживеале сообраќајна несреќа на автопатот, а силниот удар ги исфрлил на оградата. Во тој момент се приближувал камион со босански регистрации. Возачот нагло застанал и им го пресечел патот на другите возила, за да не налетаат на повредените Абделхамид и Џихан.

Возачот не застанал таму, туку излегол од камионот и му помогнал на таткото кој ја спасувал ќерка си, чие срце престанало да чука. Со интервенција на брзата помош, за среќа девојчето преживеало и е транспортирана во болница. Џихан се уште се бори за својот живот, а таткото верува дека ќе преживее.

Непознатиот „витез“ на патот, како што го нарекуваат во Италија, исчезнал пред да стигне Мароканецот да го запознае и да му се заблагодари.

„Не знам кој беше возачот, беше млад и слаб. Според табличките сфатив дека е од Босна. Исчезна веднаш откако ми помогна да и го спасам животот на ќерка ми. Сакам да го видам повторно, да му подадам рака и да му се заблагодарам“, изјабил Абделхамид.