Денеска над Антарктикот ќе помине мал астероид, какво што тело поминува покрај Земјата во просек на секои шест години...

Малиот астероид 2011 MD ќе помине покрај Земјата во понеделник, на 27 јуни, т.е. денеска, објави НАСА. Астероидот со големина на просечна куќа ќе помине на 12.000 километри од Зејата, а најблиску до неа ќе биде во 19:14 часот.

Во тој момент астероидот, кој прв пат е воочен во среда на 22 јуни, ќе помине над Антартикот. Астероидот 2011 MD го снимиле телескопите во Ново Мексико. Спроведената анализа покажала дека се работи за објкет со дијаметар помеѓу 9 и 30 метри. Такво тело минува покрај Земјата во просек на секои шест години.

Нема никакви шанси астероидот да ја погоди Земјата. Дури и кога би влегол во атмосферата, веројатно не би завршил на тлото, туку ќе изгоре.