Контроверзната Лејди Гага ја претстави нејзината нова песна "Aura" од уште необјавениот албум "Artpop"...



Во видеото преовладуваат сцени од најновиот филм "Machette kills", во режија на Роберт Родригез, каде пејачката ја игра улогата на опасна згодна женска.

Поп иконата во жестоки акциони сцени со црвен кармин и руса коса, потсетува на Мерилин Монро, облечена во долги гламурозни фустани со крзно, дијаманти и гангстерски пиштол.



Ова е прв пат да се појави Гага на големото платно. Нејзиниот лик се вика La Chameleon (Камелеон), додека премиерата за филмот е закажана за 11 октомври. Со провокативната пејачка во филмот ќе игра и сексипилната Софија Вергара, згодната Џесика Алба и холивудскиот женкар Чарли Шин.